Catégorie : Actualités

D’Kanner aus der Reisduerfer Grondschoul spenden un Médecins sans frontières

Auteur de l’article Par lwagner
Date de l’article 12/07/2023

12/07/2023

An der Woch virun der Fuesvakanz hunn mir wéi all Joer zesumme mat de Kanner eng Frühstückswochen organiséiert. Wärend dëser Woch dierfen d’Kanner sech all Dag un engem grousse Frühstücksbuffet servéieren. Fir d’Zutaten ze finanzéiere bréngt all Kand 10 Euro mat. Wat zum Schluss iwwreg bleift gëtt fir de gudden Zweck gespent.

Am Kader vun eiser traditioneller Sportswoch hudd och dëst Joer nees ee „Sponsored Run“ stattfonnt. D‘Kanner hunn sech an hirer Famill Sponsore gesicht, di sech bereet erkläert hunn, eng gewëss Zomm pro gelafenem Tour um Fussballterrain respektiv an der Sportshal ze sponseren.

Duerch dëss zwou Aktioune konnten mir am ganzen eng Zomm vu 5000€ sammelen, di mir der Organisatioun „Médecins sans frontières Luxembourg“ gespent hunn.

Um Schoulfest hu mir dëse schéine Chèque iwwerreecht.

Een décke Merci an Gléckwënsch un all Leefer a Sponsoren!
Elisabeth Puraye – Schoulpresidentin Reisduerf

MyWort Artikel

ETEP Formatioun – Veianer Grondschoul

Auteur de l’article Par lwagner
Date de l’article 05/07/2023

05/07/2023

De CDSE (Centre pour le développement socio-émotionnel) hat de 4. Juli 2023 d’Veianer Léierpersonal op Mënsbech invitéiert fir hinnen am Kader vun enger klenger Feierstonn den Diplom vun hirer ETEP-Formatioun z’iwwerreechen. D’Regionaldirektioun ass immens frou an houfreg, datt dat Veianer Léierpersonal sech kollektiv engagéiert huet fir eng Formatioun ze maachen, déi als Sujet déi sozio-emotional Entwécklung vun de Kanner huet. Ee grousse Merci un d’ganz Equipe vum CDSE, déi et erméiglecht huet, datt dat Veianer Schoulpersonal des Formatioun konnt maachen.

Actualités MyWort Artikel

Scheckiwwerreechung an der Schoul zu Tandel

Auteur de l’article Par lwagner
Date de l’article 04/07/2023

04/07/2023

© Joanne Käppeli

16.790 Euro fir „Le Soleil dans la Main’’

Dëser Deeg hunn d’Schoulkanner vun Tandel, zesumme mat hirem Léierpersonal an a Presenz vum Regionaldirekter Gérard Roettgers a vun der Directrice adjointe Nathalie Heftrich, Membere vum Schäfferot vun der Gemeng Tandel a Vertrieder vun der Elterevereenegung Tandel, ee Scheck iwwer 16.790 Euro un d’Madamm Véronique Schmitz an un de Monsieur Patrick Hinterscheid vun der Associatioun „Le Soleil dans la Main“ iwwerreecht.

D’Vertrieder vun der ONG hunn de Schüler virun der Scheckiwwerreechung hir Aarbecht virgestallt. Vu dass d’Aarbecht vu „Le Soleil dans la Main“ vum MAEE cofinanzéiert gëtt, stellt dësen Don d’Halschent vum néidege Kapital fir de Bau vun enger Schoul am Burkina Faso duer.

Dës Zomm ass den Erléis vun engem Spendelaf, dee virun der Päischtvakanz als Ofschloss vun der Tandeler Sportswoch organiséiert gouf.

E grousse Merci un d‘Elterevereenegung fir déi finanziell Ënnerstëtzung vun de Kanner. E weidere Merci geet un de fréiere Buergermeeschter Aly Kaes a seng Kolleegen aus dem Schäffen- a Gemengerot, déi d’Schoulpersonal mat hirem Don motivéiert hunn, un hirer Bikinifigur ze schaffen.

Den allergréisste Merci geet awer un all d’Kanner an hir Donateuren, déi mat hirer super Leeschtung an hire generéise Spenden dëse formidabele Scheck iwwerhaapt méiglech gemaach hunn.

Christ Warszta – Schoulpresident Tandel

Article MyWort

Actualités MyWort Artikel

Scheckiwwereechung an der Feelener Schoul

Auteur de l’article Par lwagner
Date de l’article 30/06/2023

30/06/2023

E Freideg, den 30. Juni 2023 hunn d’Schoulkanner aus dem “Kuebebongert” vu Feelen, zesumme mat hirem Léierpersonal an a Presenz vun dem Här Lepage aus der Regionaldirektioun, dem Buergermeeschter Här Mergen souwéi enger Rei Memberen vun den Elterevertrieder, ee Scheck am Wäert vun 10.000€ un d’Associatioun “Care Luxembourg” iwwereescht.

De Frédéric Haupert, Direkter vun der Vereenegung “Care Luxembourg” huet dankend de Scheck entgéintgeholl a wärend de Festivitéiten de Kanner aus de Cyclen 1-4 erkläert, dass d’Suen vun hirem Don am Äerdbiewegebitt vun der Tierkei a vu Syrien wäerten agesat ginn.

Dës Zomm ass den Erléis vum “Sponored Run” vum 19. Mee 2023, organiséiert vum Léierpersonal. Ee grousse MERCI un d’Elterevertrieder an un d’Gemeng fir di wäertvoll Hëllef an Ënnerstëtzung bei der Organisatioun vun dësem sportlechen Event.

E ganz grousse Merci och un all Elteren, Grousselteren, Famill a Frënn, déi dëse schéine Schéck méiglech gemaach hunn!
Eric Ries – Schoulpresident Feelen

Article MyWort

Schoulsportdag zu Veianen

Auteur de l’article Par lwagner
Date de l’article 30/06/2023

30/06/2023

Nodeems d’Wieder eis d’letzt Woch e Stréch duerch d’Rechnung gemaach hat, konnt de Schoulsportdag 2023 dësen Donneschdeg, 29. Juni ënnert perfekte Konditioune stattfannen.

Um Camping „Deich“ goufen de Kanner aus de Cyclen 1-4 am ganzen 11 Atelieren zur Verfügung gestallt an deene Geschécklechkeet, Ausdauer, Teamgeescht a net ze vergiessen de Spaass a Fun am Vierdergrond stoungen.

Vun 8-12 Auer gouf gewibbelt, gesprongen, gelaf a geschweesst iert et mat zefriddene Gesiichter zréck an d’Schoul gaang ass, wou eng kleng Belounung op all Kand gewäert huet.

www.veinerschull.lu

Schoulfest zu Veianen

Auteur de l’article Par lwagner
Date de l’article 21/06/2023

21/06/2023

Samstes, den 8. Juli 2023 vun 11h00 bis 15h00 an Zesummenarbëcht mat lokalen Veräiner & Betrieber an der Ënnerstëtzung vun der Veiner Gemeng. Spektakulär Show mam Georges Christen (um 13h30), Musik, Spiller & Ateliers fir d’Kanner a villes méi.

Weider Informatioune fannt dir op : www.veinerschull.lu

Schoulkanner aus dem Parc Housen sammele fir Special Olympics Lëtzebuerg

Auteur de l’article Par lwagner
Date de l’article 21/06/2023

21/06/2023

© Photo: Emile Junker

Am Kader vun hire Schoulsportdeeg an der Schoul aus dem Parc Housen, konnt ee Scheck un Special Olympics iwwerreecht gin. Duerch de Verkaf vu Bastelaarbechten, Iessen a Gedrénks an der traditioneller Stoppekëscht, konnt bei der Chrëschtfeier déi stolz Somme vu 5000€ gesammelt ginn. D’Special Olympics, vertrueden duerch den Torsten Ottens an zwou Sportlerinnen, huelen dës Spend fir hire Sportler d’Participatioun un de Special Olympics World Games zu Berlin ze erméiglechen.

Bicycool : Eng sportlech Woch geet zu Enn

Auteur de l’article Par lwagner
Date de l’article 31/03/2023

31/03/2023

Am Kader vum Projet “Bicycool” konnten d’kanner aus der Veiner Schull hier Talenter um Vëlo ënner Beweis stellen. Hei fannt dir de ganzen Artikel:

Bicycool-Vianden-2023 Télécharger

©Photo: Lex Reichling

Actualités MyWort Artikel

Schéckiwwerreechung am Schoulzentrum Ierpeldeng

Auteur de l’article Par lwagner
Date de l’article 30/03/2023

30/03/2023

© Photo: Lucien Weis

En Donneschdeg, 30.03.2023 hunn d’Schoulkanner vum Schoulzentrum Ierpeldeng, zesummen mat hirem Léierpersonal an a Präsenz vum Schouldiekter Gérard Roettgers an dem Schäfferot vun der Gemeng Ierpeldeng/Sauer, ee Scheck vun 6 000€ un d’Madammen Lentz a Pletschet vun der ALAEC (association lux. d’aide aux enfants cardiaques) iwwerrécht.D’Vertriederinne vun der ALAEC hunn de Schoulkanner während deem ganze Moien interessant Erklärungen iwwert hir Associatioun a virun allem iwwert häerzkrank Kanner ginn an och erklärt, wat mat dëse Suen geschitt.

Dës Zomm ass den Erléis vum Krëschtmaart vum 16.12.2022, organiséiert vum Léierpersonal an der Maison Relais. Ee grousse MERCI un d’EIS, der Elteren-Associatioun vun der Gemeng Ierpeldeng, fir di wäertvoll Hëllef beim Verkaf vu Gedrenks a fir déi Ënnerstëtzung, déi mir ëmmer vun hinne kréien.

E ganz grousse Merci och un all Elteren, Grousselteren, Famill a Frënn, déi dëse schéine Schéck méiglech gemaach hunn!
Lucien Weis

Article MyWort

Actualités MyWort Artikel

D’Feelener Schoul spend 7300€

Auteur de l’article Par lwagner
Date de l’article 29/03/2023

29/03/2023

© Photo: Lex Reckinger

D’Schoulkanner aus dem Kuebebongert hu mëttwochs, den 29. Mäerz, zesummen mat hirem Léierpersonal an a Präsenz vum Här Luc Reis aus der Schouldirektioun Dikrech, de Vertrieder vun der Gemeng, den Elterevertrieder an engem Vertrieder vun der Feelener Musek, ee Scheck vun 7300 € un d’Madame Laura Franck vun der Fondatioun Sarah Grond iwwerreecht.

Virun der Scheckiwwerreechung huet d’Vertriederin vun der Fondatioun de Kanner aus all de Cyclen erklärt, wat mat de Suen geschitt, déi si gesammelt hunn. D’Missioun vun der Stëftung ass et Kanner an Noutsituatiounen finanziell a mat Sachspenden ënnert d’Äerm ze gräifen. Virun allem Kanner, déi een Elterendeel verluer hunn, wëllen si hëllefen.

Déi generéis Zomm ass de 16. Dezember um Chrëschtmaart am Kuebebongert duerch de Verkaf vu Bastelaarbechten, Iessen a Gedrénks, gesammelt ginn. Organiséiert haten dëse flotte Maart d’Gemeng, d’Schoul, d’Maison Relais, d’Elterevertrieder an d’Feelener Musek. Ee grousse Merci geet un d’Schoulkanner, déi wärend ville Stonnen gebastelt hunn an um Chrëschtmaart hir Verkaafstalenter ënner Beweis gestallt hunn.
Lex Reckinger